Дольнік: «Беларускае піва — сапраўднае ўжопагэ…»
| 19.03.2009 |
Дэбютант на ТГ — гурт з 26-гадовай гісторыяй. The UNB прадстаўляюць у новым
туры песьню з свайго апошняга альбома «Рагацци» — «П.С.Н.Л. (L50)» —
прысьвячэньне беларускаму піву. У запісе песьні ўзяў
удзел адзін зь лепшых беларускіх саксафаністаў Ігар Люты.
«Калісьці гэты твор ня ўзялі на адну складанку, прысьвечаную піву.
Я і сапраўды думаю, што беларускае піва — сапраўднае
ўжопагэ…»
«П.С.Н.Л. (L50)» — другая за доўгую і насычаную гісторыю салігорскага
гурта The UNB песьня, запісаная па-беларуску. Лідэр каманды Дольнік
апавядае, што першая была запісаная «недзе ў 85-м» і ўвайшла ў адзін з
тых альбомаў, якія зь цягам часу згубіліся. «Ня
памятаю пра што там пяялася, але можа калісьці і адшукаецца на бабінах», — кажа музыка. За другую песьню па-беларуску музыкі ўзяліся
ўжо ў новым тысяччагодзьдзі.
Песьня «П.С.Н.Л. (L50)» была задуманая для складанкі — прысьвячэньню піву, спансаванай адным беларускім броварам. Але так туды і
не ўвайшла. «Яна зь нейкіх прычынаў не падыйшла ўкладальнікам дыску, але я
не крыўдую, бо сапраўды думаю, што беларускае піва —
сапраўднае ўжопагэ». «Хоць запіс быў зроблены за тры сэкунды, але мне ён
падабаецца, надта па-філязофску выйшла», — хваліцца Дольнік. Цікава, што
партыю саксафона выканаў адзін з найлепшых беларускіх саксафаністаў Ігар Люты — даўні знаёмы гурта.
Магчыма, што 104-ы па ліку альбом гурта The UNB будзе цалкам беларускамоўным.
Адзін з мэнэджэраў гурта Ігар Васілевіч пераклаў ужо
тэксты Дольніка для запісу.
The UNB — П.С.Н.Л. (L50) (словы — Дольнік, IV (ex-Фёдар), Ігар Васілевіч, доктар Маеўскі, музыка — The UNB, Пол Дэсманд).
Зьмяшчаецца са згоды выканаўцы.
SB, ТГ
першакрыніца: http://music.fromby.net/article/1631/